K
Delte ut pengar i ekstraordinært møte
Hovudutval for næring og reiseliv fordelte koronapengar til kommunane i fylket i eit ekstraordinært møte i går, torsdag. Kommunane skal dele ut pengane til næringslivet.
Som Bø blad har skrive tidlegare har Vestfold og Telemark fylkeskommune fått 40,3 millionar av ein statleg pott på 600 millionar kroner. Pengane er ein del av regjeringa sin tredje krisepakke for å få Noreg ut av virusproblema. Dei skal setje kommunane i stand til å legge til rette for auka aktivitet, sysselsetting og verdiskaping basert på lokale utfordringar, behov og potensial, heiter det i pressemeldinga frå fylkeskommunen.