– Styret vårt har blitt til ein kreativ og konstruktiv møteplass 

– Eg vil gjerne framsnakke Lene Moland. Ho er ikkje berre ein viktig ressurs i arbeidet sitt med flyktningar. Men som leiar for Bø og Sauherad Hagelag har ho vore sentral i å utvikle hagelaget med ein eventyrleg vekst som resultat. Hennar varme personlegdom, romslegheit og klarheit har gjort at samspelet i styret vårt har blitt til ein kreativ og konstruktiv møteplass der alle opplever fridomen til å kome med innspel og idear. Det er ikkje berre hageglede, men eit ektefølt samfunnsansvar som driv henne.