SIDESPRANG: Turid Sveinsson er fast spaltist i Bø blad.
Hilde Eika Nesje
– Smilet er den kortaste vegen mellom menneske
Turid Sveinsson flytta den lange vegen frå Seljord te Bø i 1999. Ho held til i Puttland, og arbeider med det ho er utdanna som: hjelpepleiar/helsefagarbeidar. Ho er òg aktivitetskontakt og nøgd med val av yrke, for ho er glad i å jobbe med og rundt menneske. Turid er tilhengar av å bruke dei flotte turmulegheitene me har. Frå april til oktober er ho helst oppå Lifjell, eller ei anna høgde rundt forbi. Ei artig historie blir sett pris på, og ein god latter stend høgt i kurs . Ho er glad i song og musikk, og ein bra film er heller ikkje å forakte ein ledig kveld.
Når eg ferdast rundt på beina på turar av ulike slag, har eg bitt meg merke i ein ting. Om det er langt innpå fjellet, på tur i skogen ell på ein eller annan sideveg, så fell det seg slik at det for kånn alle er heilt naturleg å vere på hels: Ukjente og møtande mødre i same tid av livet med kvar sin barnevogn er på godprat. Mosjonistar med hund slår av ein prat – både eigar og firebeint helsar på kvarandre. Som om ein er gamle kjenningar møtest me med eit høfleg smil og eit imøtekommande «Heihei». Me slår av ein prat i bakken i Glekse om så vindstille det er i dag, og vekslar ein tanke om siste nytt langs andedammen i Evjudalen. Alt tyder på at å mosjonere i kåns fine natur gjer oss meir gjestfrie., men med ein gong me kjem utanfor desse settingane blir me som heilt normale framade og knapt nok tør å møte blikket der ein hastar forbi.
