La fram distriktspolitiske strategiar – brukte Bø som godt eksempel

Det nærmar seg stortingsval og dei fleste har vel fått med seg at distriktspolitikk er ein av dei store sakene i år. Derfor er det neppe tilfeldig at statsminister Erna Solberg sette kursen mot ein typisk distriktskommune, Midt-Telemark, da ho saman med kommunal- og moderniseringsminister Nikolai Astrup og distrikts- og digitaliseringsminister Linda Hofstad Helleland skulle leggje fram tre distriktspolitiske strategiar som det har blitt arbeidd med ei stund – ein for småbyar, ein for kysten og ein for fjell- og innlandet.