– Ingen ting i verda gjer meg så godt som å synge for andre
Pappa Kjetil kjøpte trekkspel til jentungen, men det blei ingen suksess. Det blei derimot songen. Nå inviterer Mona og eit kremlag av gode musikarar til eit pusterom i førjulstida.
Song og musikk har alltid vore viktig i livet til Mona Julianah Skruverud. Som lita jente på Skruverud på Vreimsida gjorde ho songopptak med seg sjølv på kassettspelaren. Så blei det songtimar hos songpedagog Liz Franklin i svært mange år. Det var givande, både musikalsk og personleg.