PÅ VEG UT: Gerd Astrid Blaasvær, Tone Tengesdal og Hanne Grov Aarskog får hjelp av Jorunn Verpe (bakerst) med flyttinga frå Gvarv helsestasjon. Også to andre tilsette blir med på flyttelasset til Bø.
Unni Buverud
Helsestasjonen flyttar til Bø: – Nå kan eg ikkje gå til jobb lenger, seier Gerd Astrid
Helsestasjon- og jordmortenesta for Midt-Telemark blir nå samla under same tak på Bø helsestasjon. Dei tilsette ønskjer samlokalisering, men håpar løysinga ikkje varar evig.
Måndag og tysdag er helsestasjonane på Gvarv og i Bø stengde for å gje tid og mulegheit til å flytte tilsette og få alt på plass i felles lokale. Leiar for helsestasjon- og skulehelsetenesta i Midt-Telemark, Jorunn Verpe, seier dei skal få plass til alle, men at dei på lengre sikt har behov for større lokale.
