RÅDYR I SNØLANDSKAP: Den komande vinterens første ordentlege snøfall har kome. Naturen og skogen vart på kort tid forvandla til eit julekort. Når snøen kjem og legg seg som eit kvitt teppe over landskapet, kan det vere ekstra fint å sjå dyr, som til dømes rådyr. Måndag 30. oktober vart det eit møte med desse to rådyra. FOTO: Bjørnar Røstad Roheim
TRIVELEG MED BASAR: Ingrid og Ida var blant dei som kosa seg på basar på Friheim søndag. Det var Øvre Bø Ungdomslag som stod bak arrangementet og det var ganske fullt i lokalet, ikkje minst var der mange barn der. Folk kjøpte årar, lodd i loddbøkene og koste seg med kaffi, saft og kaker. Laget fekk inn nær 70.000 kroner brutto. Pengane ein sit att med blir blant anna brukt til å vedlikehalde Friheim. FOTO: Marta Kjøllesdal
FØRSTE SIGER: 25. oktober starta Gunnar Eilefsen Wibstad frå Bø Tråvlag si ponnigruppe i ponniløp på Jarslberg travbane i Tønsberg. Saman med ponnien Ljungens Julius køyrte han inn til siger på kilometertida 2.10,1 frå 20 meter tillegg. Dette er ekvipasjen sin første siger saman. FOTO: Privat
TEMAKVELD: Midt-Telemark sitt lokallag i Blindeforbundet har hatt lokalhistorie som tema på ein av sine samlingskveldar. På Kjernehuset på Gvarv fortalte Aslak Gunnheim levande om Gamle­gata på Gvarv, alle husa der og ikkje minst om alle folka som budde og levde liva sine der. Etter ein fin historietime, blei det servert gode varme karbonader. Utlodding blei det òg tid til. FOTO: Privat
FROST: Vinteren smakar på Midt-Telemark, og på Lifjell har det lagt seg snø. Små kunstverk er å finne i naturen, og dette bildet blei tatt på eit nydeleg og kaldt Lifjell laurdag 28. ktober. FOTO: Gerd Skoland
FULLT HUS: Thea Ellingsen Grant frå Gvarv spela for fullt hus torsdag 26. oktober, da ho urframførde sitt nyskrivne verk Water and Dreams. Det skjedde i Spriten kunsthall i Skien. Framsyninga var ei mektig oppleving for mange sansar, med storslått musikk, bilde og rørsle. FOTO: Gro B. Røiland
PÅ BØHAUGEN: Også denne hausten har det store lønnetréet på Bøhaugen vore eit vakkert skode. Lønna står på kyrkjegarden like innanfor muren rett ved gamle­kyrkja.
HAUST MØTER VINTER: 28. oktober såg det slik ut på Lifjell. Fortsatt fine fargar i terrenget, men Kong Vinter kryper nærmare og omfamnar fargane. FOTO: Gerd Skoland
PENSJONISTTREFF: Med god assistanse frå den snart faste musikalske bidragsytaren Kåre Hilmar Flåtin gjekk det fint med både allsong og låter da Sauherad og Nes pensjonistlag arrangerte oktobermøte. Forsamlinga fekk referat frå svara som ordføraren hadde sendt på spørsmåla som blei stilt under eldredagen. Kommentarar frå eldrerådsleiaren blei også referert og konsertprogrammet på Furuheim bekjentgjort ved oppslag. FOTO: Thorleif Søreid
BURSDAG PÅ KAFE. Denne gjengen var på kafé den 9.11.23. Dei skulle feire 72-års bursdag, og det gjorde dei ved og ta ein tur på Husly og ha lunsj der. FOTO: Hanna Søgnen
SOLNEDGANG: Isen legg seg over Åstjønn i Breisås, og sola går ned.
SKIFØRE: Etter snøfallet torsdag 2. november var dei ivrigaste ute på ski. Denne lesaren fortel om fint skiføre innover mot Vihus denne dagen. FOTO: Gerd Skolan
SPEGLBILDE: November er ikkje bare grå og mørk. Det er mykje spennande lys å sjå rundt fine motiv i heile Midt-Telemark.
FINE SKIFORHOLD: Vinteren og snøen er på plass på Lifjell. Det har kome så mykje snø at Lifjell løypelag med Folkestad-karane i førarsetet har tråkka ein såle i løypene både rundt Jønnbu og heilt opp til Tunglijuvet i Gleksebakkane. Det har vore dagar med strålande vintervêr og fint føre med nysnø og nokre få kuldegrader. Det er berre å finne fram ski og ta ein tur. Her eit bilde frå Bestemorsløyfa, løypa som som går til toppen av Krintokleiva. FOTO: Øystein Akselberg
Bø turlag takkar for innsatsen. Torsdag 16. november hadde Bø turlag sitt år­lege møte med dei frivillige som har ansvar for dei forskjellige turområda til laget. Bjørn Steen, sti­-ansvarleg i styret, takka av dei som ønskte avløysing etter mange års innsats. Turlaget treng fleire frivillige til å ta ansvar for stiane. Ta kontakt viss du vil gjere ein innsats!
GÅVEUTDELING: Sparebankstiftinga Bø feira nyleg sitt 10-årsjubileum i Gullbring. To gonger i året delar dei ut pengar til lag og organisasjonar i området, og her ser me representantar for dei som fekk dei største sjekkane denne gongen. FOTO: Trude Lindgren
TRUGETUR PÅ LIFJELL: Vinteren er på plass i Noregs sørlegaste høgfjell. Slik såg det ut i Glekse den 15. november. Førjulslyset og snøen kan nytast her oppe på Lifjell sjølv om ein ikkje går på ski. Fotografen melder om ein nydeleg tur opp på desse trakter på trugar. FOTO: FOTO: Gerd Skoland
FINT SKIFØRE: Dei som tek turen opp på Lifjell for tida melder om godt skiføre i høgda. Dette bildet blei teke 24. november. FOTO: FOTO: Gerd Skoland
FANTASTISK SKODE: Snakk om å vere på rett plass til riktig tid! Denne lesaren var på Krintofjellet laurdag kveld da Nordlyset dansa over Lifjell. FOTO: Karolis Keturka
NÆRKONTAKT MED AND: I Evjudalen bur det mange ender, men om du kjem for nære flyktar dei ofte sin veg. Dei går anten ut i vatnet eller spring ein annan plass. Det gjorde ikkje denne anda. Ho kom heilt opp til fotografen og ville vise seg fram. FOTO: Hanna Søgnen
UTSIKT FRÅ SKARET: Den kalde fine tida er godt på plass i Midt-Telemark. Med klårt ver kjem også kulda, men det kalde veret gjev oss også mange fine augneblink. Dette bildet er tatt ved Skaret ved 14-tida tysdag 28. november, eller Gapet som dei mest lokale seier, på vegen opp til Lifjell. Ved Lifjellstugo denne dagen var det minus 11 grader, ifølgje lesaren som har sendt oss bildet. FOTO: Reidun Helene Slåttedalen

Glimt frå Midt-Telemark i november

Bø blad får mange fine bilde frå lesarane sine, og det er mange fine augneblink i Midt-Telemark. Her har du eit knippe med minne frå november månad.

Publisert Sist oppdatert

Vel korleis du vil lesa oss!

5 veker for 5 kroner

Deretter 145 per månad.
Inga binding.

Kjøp

Sjå fleire
tilbod

KLIKK HER

nyheit arkiv
Powered by Labrador CMS