Fekk tips om farlege hindringar

Tove Lundeberg Bringa, senterleiar ved Bøsenteret og styreleiar i Sentrumsringen, fekk mange konstruktive innspel da ho møtte Blindeforbundets representantar nyleg. Dei hadde temamøte der ein diskuterte at det ikkje er lett for ein med nedsett syn å ferdast på eit kjøpesenter eller langs fortaug når skilt eller andre hindringar blir sett ut i gangarealet. Ein kan fort snuble, noko som kan føre til alvorlege skader. Farlege hindringar fører faktisk til at mange svaksynte og blinde vegrar seg for å gå ut.