Budsjettet til kongebesøket sprakk
Bø kommune hadde løyvd 100.000 kroner til kongebesøket i Bø 30. september. Det blei signalisert eit meirforbruk på 50.000 kroner, men prislappen kom til slutt på 250.000 kroner.
Bø formannskap løyvde måndag 150.000 kroner ekstra til kulturbudsjettet for å dekke ekstra utgifter til kongebesøket i Bø 30. september. Det var opphaveleg løyvd 100.000 kroner, men prislappen enda altså på 250.000 kroner. Kommunen viser til at da slottet ba om utandørsarragemnet blei kostnaden langt større med ekstra vakttenester, utescene, benkar, gjerder, podium, dekorasjon og planting i rundkøyringa. Transport av skule- og barnehagebarn kom også som tillegg.
