Levande bygder – levande landbruk

Levande bygder og levande landbruk heng tett saman. Diskusjonen i det offentlege rom vert difor ofte for snever. For å kunne utvikle eit lokalsamfunn, ei bygd, så er det heilt sentrale ting som må vere på plass. Det er viktige tenester nær folk, anten det er skule, helse eller politi. Det er nærbutikken og kafeen. Ein må ha attraktive tomter og gjerne desentraliserte. Då kan ein ikkje ha regionale arealplanar som problematiserer dette og skuvar klimasaka føre seg. Det må vere vegar med ein akseptabel standard. Høghastighets breiband er i dag ein føresetnad. Kostnader for folk skal ikkje vere dyrare her. Eksempelvis nettleige og drivstoff. Heilt sentralt er arbeidsplassar.