Sluttbasar på Breskhaug

Det var nok vemodig for mange på Eikjabygda skule på Breskhaug laurdag kveld, men at dette var for siste gong la i alle fall ingen dempar på humøret mellom dei 130 frammøtte. Så mange tok nemleg farvel med det trivelege skule- og grendehuset. Skulevimpelen stod høgt heva langsmed veggen, symbol på skuledrift her sidan 1888 – og i kroken hang Gunnulf Staurheims stemningsfulle landskapsmåleri.