B
Forberg og Forbergsletta
Flyfoto frå Bø: Widerøe Flyselskap dreiv mykje med flyfotografering i heile Noreg på 1950-talet og fram til dei fyrste åra på 60-talet. Selskapet hadde over 300.000 slike bilete då dei fekk nye eigarar i 1968. I 1970 blei denne samlinga selt ut av selskapet. I dag er det Bø museum som har hand om flybileta med motiv frå Bø. Desse er no lagt ut på Digitalt museum.
Eit av dei større landbruksområda i Bø ligg på begge sider av riksveg 36 over Forbergsletta. Der i dei slake sørvende skråningane på nordsida av dagens veg vart ein gong i historia garden Forberg, gamalnorsk Fyrir bergi, rydda. Og folk bygde seg ein buplass inn under Forbergåsen. Vi veit at dette er eit gamalt område for busetjing, då det er funne graver og andre funn både oppe på Forbergåsen og på Bakåssida, på nordsida av åsen. Bakås var utmark for Forberggardane før dei tok til med dyrking også der i mellomalderen. På sørsida av Forbergområdet, nærast oss i biletet, ligg Trelsborg. Den gamle bygdeborga stammer frå midten av det første årtusenet av tidsrekninga vi brukar i dag.
5 veker for 5 kroner
Deretter 145 per månad.
Inga binding.
Kjøp
