Beltevevarar i fleire generasjonar
Hælge Beltevevar vart fødd på ein plass i Liheia, flytte til Sauherad og vart ein viktig tradisjonsberar, ikkje minst for beltestakken.
Ho heitte Helge Storskott (1840-1923), men på folkemunne vart ho heitande Hælge Beltevevar.
Plassen ho vart fødd og vaks opp på var Storeskott vest for Åstul i Limarka. Dei einaste som har budd på plassen ifølgje Bøsoga er Hælge og foreldra hennar, Olav og Ingeborg. Etter at Hælge flytte til Innleggen i Gunheimsgrenda i Sauherad i 1880, har det ikkje budd folk der. Det kan tyde på at det ikkje var noko feitt levebrød.
