VINDEN HERJA. Ein kunne sjå spor av vinden som herja i Midt-Telemark ein laurdagskveld i februar. Her frå Nordbøåsen, der ei grein hadde knekt og sperra vegen inn til Løvskeidåsen. Litt ut på dagen hadde nokre kyndige folk vore ute og fått fjerna greina som låg over vegen. FOTO: Karianne SøftelandFOTO: Karianne Søfteland
NYBYGG PÅ BRUSERUD. Framtida til småbruket Bruserud var ei sak som verserte i både planutvalet og lokalavisa i 2020-2021. No er det gamle våningshuset frå 1917 rive. Grunnarbeid og bygging av nytt bustadhus på småbruket er godt i gang. FOTO: Øystein AkselbergFOTO: Øystein Akselberg
FILMSALONGEN: Filmsalongen viste den Oscarnominerte «Quo Vadis, Aida?», med handling frå Srebrenica under krigen i Bosnia. Rundt hundre frammøtte fekk sjå den sterke filmen, som blei fylgd av intervju med NRK-profilen Leo Ajkic. Han hadde tatt turen frå Oslo til Bø for å fortelje om sine opplevingar som flyktning frå Bosnia og refleksjonar rundt filmen. FOTO: Kjell BitustøylFOTO: Kjell Bitustøyl
LITT VINTER. Snømann med snøungen på skuldra - i ein elles snøfattig vinter. FOTO: Eli KallestenFOTO: Eli Kallesten
MINIKONSERT. Bandet Akkerhaugen Raid besøkte Akademika bokhandel i Bøgata ein laurdag. Dei spelte nokre låtar i høve utgjevnad av vinylutgåva av plata si ”Nite Owl Method”. Dette var dagen koronameterregelen var avvikla og folk sat på stolar i bokhandelen akkurat som «i gamle dagar». Det blei ei fin laurdagsstund med god stemning og fin musikk. FOTO: Øystein AkselbergFOTO: Øystein Akselberg
ENDELEG KOM VINTEREN: Det har vore lite snø på fjella våre denne vinteren, men til slutt kom det endeleg nok til at ein kunne køyre løyper litt lenger opp i høgda. Dette biletet er teke tysdag 15. februar da sola skein på nysnøen i Glekse på Lifjell, medan tåka låg tjukk i låglandet. FOTO: Tom Reidar FåneFOTO: Tom Reidar Fåne
AKTIVITETSDAG. Ungdomsskulen på Gvarv hadde vinteraktivitetsdag i lysløypa i Nordbøåsen, og skiskyting var ein av aktivitetane. FOTO: Torunn KleppeFOTO: Torunn Kleppe
Her er litt av det som skjedde i februar
Det er mykje som skjer av stort og smått i alle delar av Midt-Telemark kommune. Her er nokre glimt frå den siste månaden.
