PÅ VEG TIL NM-SLUTTSPEL: Skarphedin volleyball sitt U19-lag skal i helga spele NM-sluttspel i Bergen. Her er dei like før avreise i dag. F.v. Torstein O. Sisjord, Øystein Skårdal, Even Tjæreberget, Weston Kirchman, Bjørnar Sanda, trenar Frode Tvinde, Emil Staurheim og Gediminas Suchovinskis. På vegen vestover blir laget supplert med Fredrik Vreim Robertson og Endre Tvinde som kjem på bussen i Røldal.
Øystein Akselberg
På veg til NM i Bergen med ein stor gåvesjekk i bagasjen
Skarphedin volleyball har to ungdomslag med i NM-sluttspelet. U19-laget er på veg til Bergen, og om to veker dreg U17-laget til Tromsø.
– Me er stolte av å ha ein flott gjeng med ungdom som skal representere Midt-Telemark og Skarphedin i nasjonale meisterskap. At lag frå Skarphedin skulle kvalifisere seg til NM-deltaking med lag frå heile Noreg hadde me ikkje trudd. Me har til og med klart å nå NM-sluttspelet i to ulike aldersklasser, både gutar U17 og gutar U19, seier Mari Tvinde, styreleiar i Skarphedin volleyball.
