Feirar 50 år med omsetning på 50 millionar kroner
Bygdas største sportsbutikk har utvikla seg frå ei golvflate på 85 kvadratmeter i 1971 til dagens 700 kvadratmeter i Hellandgården.
Brukås sport har 50-årsjubileum denne hausten. Butikken er bygdas leiande innan sport og fritid og er eit av lokomotiva i næringslivet i Bø. Denne veka feirar butikken seg sjølv med mange gode tilbod, og måndag var Gunleiv (75) og Ingrid (70), dei to som rulla sportseventyret i gang, til stades i butikken. Dei serverte kaffi, brus og kake og hadde god tid til å slå av ein prat med gamle kundar.
