F
Songen frå Skoghaugen
Trond Lepperød har røtene sine i båe delar av nå fusjonerte Vestfold og Telemark, bur like sør for Sinsenkrysset med kone og barn og arbeider som journalist i Nettavisen. Karriera byrja i det som då var oppstartselskapet Bø Blad i 1986.
Oppslag frå eit trommesett, ein travel bass heng seg på, så ein offensiv orgelakkord, gitar og vokal. Lyden ber gjennom veggane og ut i den mørke vinterkvelden idét vi nærmar oss Huset og høyrer brotstykke frå ein song: «Våkn opp nå! Du kan´ke leve sånn som nå!». Nyveiv, punk-inspirert. Det er bandøving, og framføringa er ikkje heilt på stell enno, men musikken har driv, og sikringsskåpet går varmt. Fem ungdomar med kvart sitt instrument; Roger, Jan Ove, Øystein, Jan og Terje på dette tidspunktet.