Vêret påverkar levering av lokalavisa
Krevjande køyreforhold fører til forseinkingar i avisleveringa.
Natt til torsdag og i morgontimane har det vore til dels svært vanskelege køyreforhold i Telemark grunna underkjølt regn. Det kan også påverke leveringa av Bø blad - Lokalavis for Midt-Telemark til nokre av abonnentane.
– Køyreforholda har i natt vore svært, svært utfordrande på grunn av underkjølt regn. Derfor har det vore ei rekkje stader der distributørane våre ikkje har kunna køyre, opplyser driftskoordinator i Helthjem Distribusjon Østlandet As, Rune Van Schiervick, til Bø blad.
Han beklagar at ikkje alle avisabonnentar vil få avisa si i dag.
– Dei produkta me har til levering som ikkje har gått ut i natt, vil bli køyrt ut seinare i dag eller natt til fredag, seier Schiervick.
Annonse
Posten opplyser til Bø blad at dei vil køyre ut papiravisene som normalt, men at det kan bli nokre forseinkingar på grunn av vêret.
Bø blad oppfordrar alle dei som lengtar etter papiravisa og har mulegheit til det å logge seg inn digitalt på nettavisa i mellomtida.
Ta gjerne kontakt på epost abonnement@boblad.no eller telefon 35 95 19 45 dersom du ønskjer hjelp til innlogging.
