ØNSKJER DET SLIK: Skisse over korleis dei to byggjeprosjekta kan bli. Til venstre Burger King-restaurant i krysset mellom Bøgata og Stasjonsvegen, til høgre ein vaskehall i Stasjonsvegen 10. Vegen i mellom er den som går inn til Skoghaugen.
Illustrasjon: IT-tek
Vil rive dei gamle husa: Slik kan Burger King og vaskehallen kome til å sjå ut
Arbeidet med å etablere Burger King-restaurant i Bø går vidare. No er nabovarsel sendt. Neste steg er å søkje om løyve til å rive dei to bygga på tomta.
Det er Bøgata 83 AS, med Morten Glenna i spissen, som har kjøpt eigedomen Bøgata 83 og 85, samt Stasjonsvegen 10. Planen er å byggje heilt ny Burger King-restaurant i Bøgata 83, der den gamle Stallkroa står i dag. Selskapet vil òg byggje ein vaskehall og ladestasjonar for elbil i Stasjonsvegen 10.
