SAMAN OM ALT: Brørne Sondre og Thomas Valen har same yrke, same arbeidsplass og gjer veldig mykje saman.
Unni Buverud
Thomas og Sondre deler yrke og arbeidsplass: – Det er pappa si skuld
– Det er pappa si skuld at me har blitt tømrarar, seier Thomas (34) og Sondre (32) Valen. Dei to brørne jobbar i Midt-Telemark Bygg i Bø, og synest dei har draumejobben.
Dei to brørne i Midt-Telemark er klare på at dei ikkje er snikkarar, som er nemninga på dei som snikrar møblar og slikt. Pappaen dei snakkar om er Thorbjørn Valen, som sjølv er tømrar, og som gav sønene materialar, hammar og spiker allereie då dei var små.
