Sykkelfeber på Bø vidaregåande skule
Stadig fleire lærarar og andre tilsette ved Bø vidaregåande skule vel å sykle til jobben året rundt. Heile 25 prosent av dei har brukt sykkelen som framkomstmiddel til jobb i vinter.
Ti av om lag 40 tilsette på Bø vidaregåande skule syklar til jobb i bitande kulde og steikande sol. Dei fleste har skaffa seg el-sykkel, men dei sprekaste nyttar eiga kraft på pedalen. Nokon syklar kvar dag, andre ein gong iblant.
