MANNSKAP PÅ PLASS: Brøytemannskap er klare for snøfallet.
Hilde Eika Nesje
Store snømengder er venta neste døgn – politiet oppfordrar til heimekontor
Viss mesteparten av nedbøren som er meldt i Midt-Telemark kjem som snø, vil det bli trafikale problem. Fylkeskommunen lovar at alt mannskap vil vere tilgjengeleg for å gjere vegane trygge.
Det neste døgnet er det meldt store mengder nedbør over Midt-Telemark. Ifølgje yr.no skal det snø tett frå torsdag ettermiddag til fredag ettermiddag, og det er lagt inn varseltrekant på oransje nivå for vår region, som betyr at folk må bu seg på svært mykje nedbør. Ifølgje yr.no kan me vente oss opp mot 30 centimeter kvitt det neste døgnet dersom nedbøren kjem som snø.