HAR SKREDBEREDSKAP: Bø og Sauherad Røde Kors er del av Skredgruppa i Telemark. Her er det lokale korpset på skredbefaring på Lifjell.
Øystein Akselberg
Stor snøskredfare til fjells
Både Røde Kors og lokale skredekspertar melder om ekstra stor skredfare i dagane som kjem. Folk som skal ferdast på ski må vere særleg observant under snøskavlar og i bratte heng.
Snøskredvarslinga på Varsom.no sender i dag måndag ut varsel om betydeleg snøskredfare. Bakgrunnen for skredfare er vedvarande svakt lag og fokksnø, som begge kan gje flakskred.
– Ferdsel i skredterreng krever solid kunnskap, erfaring i ruteval og evne til å identifisere skredproblem. Generelt anbefalar ein å unngå skredterreng. Skred kan også treffe enkelte skredutsette vegar og ein sjeldan gong bebyggelse, skriv Varsom.
