ENDRINGAR: Det blir endringar i drift av veglys i Gymnasbakken og mange andre vegar i Midt-Telemark.
Gro B. Røiland
Snart blir det andre enn kommunen som skal lyse opp vegen for oss
Vestfold og Telemark fylkeskommune overtar delar av gang- og sykkelvegar og vegbelysning som kommunane driftar i dag. Dette betyr innsparing for kommunane, også for Midt-Telemark.
Det blir endring i eigarskap av gang- og sykkelvegar og veglys langs fylkesvegane, anlegg som i dag blir eigd og drifta av kommunane. Vestfold og Telemark fylkeskommune tek i vår over eigarskapet. Det blir også omklassifisering av ein del fylkesvegar til kommunale vegar.
