Skulen er på same plass som i 1950-åra, men elles har det skjedd store endringar her

Vi ser at det har vore store forandringar på og rundt Gvarv sidan dette flyfotoet vart tatt. Vi kjenner att jernbanebrua, midt i bildet, og oppe på bakken vest for brua ser vi Sagavoll folkehøgskule. Skulen er landets eldste kristne folkehøgskule, og vart stifta så tidleg som i 1893. Dei første åra heldt skulen til på Notodden, men flytta etterkvart til Gvarv. Skulen er på same plass som i 1950-åra, men det har skjedd store endringar i bygningsmassen fram til i dag.