T
Skal ut på turné – premieren er i Midt-Telemark
Søndag er det premiere på ei heilt ny konsertframsyning med Anne Gravir Klykken, Olaf Moen og Tone Krohn. Det skjer på Nye Sjodar folkemusikkscene.
«Frå hulder til himmel» heiter konserten, som nå skal ut på turné i Telemark, Agder og Vestfold i regi av Sørnorsk folkemusikksenter. Dette er tre musikarar frå tre ulike folkemusikkdistrikt, Anne Gravir Klykken er frå Telemark, Olaf Moen frå Agder og Tone Krohn frå Vestfold. Alle er folkesongarar, med sans for unike historier og rik folkesongarv, og med repertoar typiske for sine distrikt.
