Rekordmålingar for temperatur og nedbør i Midt-Telemark

Det er få samtaleemne som er meir aktuelle enn veret. Ikkje så rart, for det engasjerer dei aller fleste av oss. Særleg når veret blir ekstremt, som ei kraftig heitebølgje, ein hard storm eller langvarig sprengkulde. Slike uvanlege versituasjonar går ofte inn i «manns minne» og blir referert til i ettertid, som til dømes tørkesommaren 1947, storflaumen i 1927 eller dei harde krigsvintrane.