I 2015 blei det lagt fram planar om eit nytt byggjefelt i Breisås på eigedomen Borgja. Desse planane møtte sterk motstand hos bebuarane i Breisås. Motstanden gjekk på nedbygging av nærområdet, auka trafikk over Borgjabrua og auka trafikkstøy i byggjefeltet. Motstanden førte til at dei fleste partia etter kvart forsto at dei negative sidene ved planen vog mykje tyngre enn dei positive sidene, og planen blei avvist mot to stemmer. I eit innspel til planarbeidet til den nye kommuneplanen kallar boligkonsulent i TVB Tomter, Georg Førland, dette «å legge saka på vent». Det er svært langt frå sanninga.
