– VIKTIG: Det er kjempeviktig at me ikkje får eit bibliotek som er stua inn på eit lite område, sa Anne Grete Evju (Sp)
Gro B. Røiland
– Me skal ha ambisjonar for eit bibliotek, ikkje bare stue det inn i ledige rom
Å flytte folkebiblioteket til Gullbring og konsekvensar av det, blei tema i Utval for oppvekst og kultur. Kulturpolitikarane vil følgje flytteprosessen tett framover.
Flytting av Midt-Telemark bibliotek til Gullbring kulturanlegg kom opp i Utval for oppvekst og kultur i samband med at kultursjef Hilde Pedersen orienterte om drifta i kultureininga. Kultursjefen fortalde mellom anna om arbeidet med ein ny kulturstrategi, noko kultureininga jobbar med i 2022.
