– Lifjell engasjerer, og me treng ein debatt om høgfjellet vårt

Ein treng verken vere landskapsarkitekt, for eller imot meir hytteutbygging på Lifjell for å sjå at det som som skjer i Jønnbu-området skaper store sår i naturen. Det ser ikkje særleg fint ut der lenger, verken på nær eller fjern avstand. Om dei store hyttene er fine i seg sjølv, med lafta veggar og gras på taket, er plasseringa av dei heilt på andre sida av skalaen. Det ser ut som det har gått fort i svingane utan tanke på heilskap da hyttene blei plasserte. Dei tronar på knausar og toppar utan omsyn til terrenget i det heile, og da er det ikkje lett for verken tømmer eller grastak å gli pent inn. Samanliknar ein med eldre hytter kan ein sjå kor elegant dei snor seg inn i terrenget.