Kultur-skattar fortel si historie: Hardingfela Ljose-Signe

Det har blitt fortalt at spelemannen Torkjell Haugerud (1876 – 1954) frå Bø, såg eit særs godt fele-emne i ein stor gamal laftestokk frå ei stugu som blei rive på Seljordsstranda. Han fekk felemakaren Knut K. Steintjønndalen i Bø til å lage tre feler av dette materialet, som fekk namn etter sagnet om dei tre gygrene eller trollkjerringane, som levde i fjella kring Flatdal. Det var Glima som heldt til i Mælefjell, Ljose-Signe i Bindingsnuten og Tårån i Skorve. Dei vakta over bygdefolket og tala til kvarandre ved å blåse på lur.