Korona stoppar ikkje kyrkjeklokkene

Kyrkjer over heile landet får nå ringe med klokkene kvar laurdag klokka 17. Det er klart etter at Den norske kyrkja innførte koronaunntak i reglane for bruk av kyrkjeklokkene. Dei siste vekene har vanlege gudstenester vore flytta frå kyrkjerommet til Facebook, Youtube og andre sosiale mediekanaler. Det har medført stengde kyrkjedører og stille klokketårn. Stilla som nå blir brutt skal representere håp, ifølgje kyrkja.