Knut (80) har skrive dagbøker heile livet: – Dei kjem stadig til nytte

– Eg har det med å notere mykje rart. Det kan vere vêr, temperatur, nedbør, resultat frå både golfturar og molteturar, tid og lengde på trim- og skiturar, historikk frå ferieturar, dugnadar, og ikkje minst privat hushaldnings- og gardsrekneskap, seier Knut Moe, og legg til at mykje handlar om livet som har gått, med smått og stort, til og med når dekkskiftet blei gjort og bringebærhekken blei stussa.