Klare for ny sesong: Ni meter lang og fem tonn tung
Iskiosken til Soften AS kom i dag på trailer frå Sagamoen i Lunde. No er drivarane klare for sin fjerde sesong på torgplassen i Bø.
Torsdag kom det ein stor trailer frå Kranringen med ei ni meter lang last på fem tonn. Iskiosken til Soften AS blei løfta til sin faste plass, og Hans G. Jørgensen og dottera Eline Enger Jørgensen var med og passa på at alt gjekk rett føre seg.
