FAST UTSTILLAR: Mie Dahlmann Jensen har vore utstillar på Norsk Eplefest sidan ho laga sine fyrste flasker i 2013. I år kan ho feire jubileum.
Øystein Akselberg
Kan feire ti år på marknaden – Det kongelige slott er på kundelista
Ho er leverandør til Det kongelige slott og Oslos finaste restaurantar. Eventyret Hyllest starta på kjøkkenet i Kjernehuset på Gvarv.
I 2013 fekk Mie Dahlmann Jensen tilsegn om støtte frå Norsk innovasjon til å laga saft av hylleblomst og hyllebær. Det gav støtet til å starte produksjon av drikken som går under merkenamnet Hyllest. For danskfødde Mie var hyllesaft like vanleg som rips- og solbærsaft er her. I Midt-Telemark og Noreg var saft av hyll noko nytt og spennande, og dermed ein forretningside.