ALLSONG: Demenskoret Midt-Telemark vil ha oss med på allsong. Her er koret i sving på sin aller fyrste konsert i juni i år.
Gro B. Røiland, arkivfoto
Inviterer til songfest – og dei vil ha heile bygda med
Konsert i kulturhuset har vore eit litt hemmeleg mål heilt sidan Demenskoret Midt-Telemark starta opp. Nå blir det verkeleg, når koret inviterer heile bygda til songfest i Gullbring søndag 21. januar.
I april hadde Demenskoret Midt-Telemark si fyrst samling på Nye Sjodar etter initiativ frå Martin Ytreland og Jorid Vale. Med hjelp frå eit stort antal frivillige og støtte frå sponsorar har koret hatt øvingar jamt og trutt og på kort tid bygd opp eit stort kor og imponerande stort repertoar.
