– Hyttepropaganda frå toppen av torvtaket

I det lengste lesarinnlegget eg har sett på trykk i Bø blad, kjem Gunnar Aarhus både med skuldingar og bortforklaringar om utbygginga på Lifjell. Han siterer meiningsmotstandarar utan å namngje dei, og gløymer og å sette sin eigen tittel under innlegget. Som sosialist er eg så absolutt for at borgarar skal kunne uttale seg offentleg utan å skjele til eigen arbeidsplass. Men når ein har så sterke pengeinteresser i ei sak som Gunnar Aarhus har her – han er dagleg leiar i Buengruppen som sel hytter i det aktuelle området – så er det vel berre rett og rimeleg å gjere lesarane merksame på det.