Her blir det tryggare å levere ungane i barnehagen
Vemund, Eilev, Bendik-Olai og Tomine kastar seg på syklane og legg i veg. Dei viser stolt fram det nyasfalterte området utanfor barnehagen sin.
Nå skal det bli sikrare for ungane og mindre trafikkfarleg i eit utsett område rundt barnehagen Maurtuva i Breisås. Trafikkarealet utanfor barnehagen har i haust blitt ombygd og utbetra. Kommunen har bladd opp 2,85 millionar kroner og denne veka kunne ein vise fram kor bra det har blitt.
