Har ingen plan for å dekke inn underskotet for i år

Statsforvaltaren har sagt at økonomiplanen som kommunestyret har vedteke er urealistisk og bedt om at det blir laga ein ny. Måndag kveld kom forslaget til ny plan opp i kommunestyret. Då planen var i formannskapet, delte det seg i tre syn på eigedomsskatt. Kommunedirektøren vil auke inntektene til kommunen med til saman 6,8 millionar kroner ved å auke eigedomsskatten for bustader, hytter og næring. I formannskapet kom det forslag frå Senterpartiet og Kristeleg Folkeparti om å ikkje auke den for næring. Høgre og Fremskrittspartiet vil ikkje auke for nokon, medan dei andre partia stilte seg bak forslaget frå kommunedirektøren på dette punktet.