Frir til innbyggjarane
Bø løypelag har nyleg gjort unna sin årlege konvoluttdugnad. I konvoluttane ligg det giroar som dei håpar skiglade innbyggjarar vil bruke.
Bø løypelag gjer ein stor dugnadsinnsats kvar vinter for å gje skifolket flotte skiløyper både nede i bygda, på Nordbøåsen, i Liheia og langs løypa Vihus-Stavsholtmyra. No ber laget om støtte til arbeidet og sender ut ein konvolutt til alle husstandar i kommunen.
– Som dei optimistane me er håpar me fortsatt på stor gjevarglede også denne skisesongen, helsar Arne Thorkildsen i Bø løypelag.
