EIN AV BARNEHAGANE: Bøhamna barnehage er ein av brikkene i kabalen når kommunen skal handsame alle søknadane om barnehageplass.
Øystein Akselberg
Første runde er unnagjort – 25 barn står på venteliste
Første runde av årets barnehageopptak er i mål. 150 søknadar er handtert. No sit kommunen med ei venteliste på 25 barn.
– Årets hovudopptak gjekk bra. Det er alltid spennende å sjå om «kabalen» går opp. Me er godt nøgde med at mange får første- og andrevalet sitt i år, seier konstituert kommunalsjef for barnehage, Hege Flaatin, men innrømmer at med tre ulike vedtekter å forhalde seg til, er det ofte utfordrande å kunne innfri alle søkjaranes ønskjer.
