GODT OPPMØTE. Det var over 120 menneske til på folkemøte på Sandvin.
Marta Kjøllesdal
Forslag om skulenedlegging møtte massiv motstand på folkemøtet
Senterpartiet hadde invitert til folkemøte om nedlegging av Folkestad skule onsdag kveld. Dei fekk meir av det dei har fått høyre før, men no står det att å sjå om dei lyttar.
Sidan kommunestyremøtet i februar har administrasjonen i Midt-Telemark kommune sett på strukturen i barneskulane i Bø-delen av kommunen. Det starta som eit tiltak for å få ned kostnadane og få økonomien i balanse. No har saka som ligg på bordet i kommunestyret komande måndag fått overskrifta «kvalitet og kompetanse i skulane», og eitt av dei viktigaste argumenta for å slå saman dei to barneskulane har blitt til det å skaffe kvalifiserte tilsette i framtida og gi barna likt tilbod.
