Fem ordførarar på eitt brett
Bø kommunestyre hadde sitt avsluttande møte i Bø måndag kveld. Etterpå var det klart for ei markering på Bø hotell i høve at epoken for Bø kommune snart er over. Dagens ordførar og fire tidlegare ordførarar i Bø kommune var til stades.
Ordførar Borgar Kaasa informerte i kommunestyret at ei over 180 år lang historie med Bø kommune snart er over. Det første møtet i kommunen skjedde i form av eit haugting på lensmannsgarden Kleppen 8. september 1837. I 1957 var kommunen på plass med kommunestyremøte på Bø kommunehus.
– Nå er kommunehuset nesten som nytt og folk som jobbar her er svært nøgde. Bøheringane er også svært stolte av kommunehuset sitt, sa Kaasa.
