FOTOGRAFEN: Her ser vi fotograf Øystein Kaasa Solberg (1874 – 1923). Det kan verke som eit sjølvportrett, men skal vere teke av fotograf Ragnvald Nyblin i Skien. Stram kar med ei kulisse som skal gje inntrykk av at han er på tur ute i naturen ståande ved ein benk. Øystein Kaasa Solberg var fødd i Bø og hadde eit fotoatelier her, men flytta i 1901 til Seljord kor han sette opp eit nytt atelier på garden Hegnin. Mange bøheringar og andre frå vårt område har latt seg fotografere av Øystein Kaasa Solberg.
INGEBJØRG: Mange av visittkortbileta var det ein kallar brystbilete slik som dette av Ingebjørg Bø (1885 – 1945). På dette biletet er ho 20 år. Ho var fødd i Heddal, men gifta seg her i Bø med Gregar Gunnarsson Bø i 1913. Dette er eit flott portrettbilete teke i Skien hos Ragnvald Nyblin.
KJERSTI: Dette visittkortbiletet viser Kjersti Bruserud, gift Innleggen (1894 - 1970). Her har fotograf Augusta Herrlin i Skien plassert henne på ein trestubbe sitjande ved ei grind ved ein veg. Det heile verkar veldig realistisk. Ho har pynta seg, så ho skal nok ikkje på skogstur – kanskje sit ho og ventar på nokon.
HELLAND BROTHERS: På slutten av 1800-talet og byrjinga på 1900-talet utvandra mange nordmenn til Amerika. Så også ein heil del bøheringar. Da var det sjølvsagt ein stor ting å kunne sende bilete heim til slekt og vener. På dette visittkortet teke ein stad i Amerika ser vi Helland Brothers. Knut G. Helland (t.v.) og Gunnar G. Helland (t.h.) tok del i mange skitevlingar etter at dei hadde starta felemakarverkstad i Amerika. Det var difor heilt naturleg å ta på seg ski i atelieret.
FAMILIEN AASEN: Det var ikkje berre bilete av enkeltpersonar på visittkorta. Mange gonger drog heile familien til fotografen. Dette biletet viser Harald Aasen med familie rundt 1900. Harald Aasen var gardsstyrar på Borgja fram til rundt 1920. På biletet ser vi øvst f.v. Bergit og Rasmus. Framme f.v. Harald, Kari, Anne og Halvor. Dei har teke på seg finklede og drege til byen. Den gong som nå var det Skien. Her har fotograf Ragnvald Nyblin plassert dei på og rundt ein benk i noko som skal førestille norsk natur.
OLAV 6 ÅR: Det var ganske vanleg at born blei drege med til fotografen. Her ser vi Olav Eiriksson Skogen (1899 - 1987). Fotografen har her plassert guten i eit miljø som kanskje ikkje var heilt vanleg for ein gut på rundt 6 år. Eller kanskje guten var særs interessert i bøker. Eit flott bilete er det i alle fall.

Å dele bilde er ikkje noko nytt – slik gjorde dei det i gamle dagar

I dag deler me bilete med kvarandre i stor stil. Det gjorde dei også før i tida, men på eit litt anna vis.

Publisert Sist oppdatert

I dag er bileta me delar i all hovudsak digitale, og me tek mange bilete. Av vener og kjente og ikkje minst av oss sjølve. Heime og på tur. Overalt eigentleg.

Kjære lesar!

For å fortsette må du ha eit abonnement og vere innlogga.

Har du ikkje abonnement?

Bli abonnent

kultur bildegalleri arkiv nyheit
Powered by Labrador CMS