100 får grasrotpengar i Midt-Telemark
I Midt-Telemark har 2.145 gjevarar sikra over ein million kroner i grasrotpengar til hundre lag og organisasjonar. Skarphedin idrettslag får mest.
Norsk Tipping har presentert kor store grasrotmidlar som er tildelt ulike mottakarar i heile landet for året 2020. På landsbasis er det delt ut 716 millionar kroner til over 31.000 lag, foreiningar og organisasjonar som følgje av at engasjerte spelarar og gjevarar vil det aller beste for laget i sitt hjarte.
