Svar på lesarinnlegg om høge straumprisar

Dette med straum er både nasjonal og lokal politikk. Midt-Telemark kommune eig kraftselskap saman med Nome, og vi mottek mange millionar i utbytte. Det er tenkt at utbyttet frå kraftselskapa skal gå til gode tenester (skule, helse, vedlikehald av veg mv.), altså indirekte til innbyggjarar. Men no med dei høge straumprisane vil nokon kommunar sjå om det er mogleg å gje noko av utbyttet direkte til sine innbyggjarar, særleg til dei innbyggjarane som treng det mest. Skien er ein av kommunane kor dei vurderer å gje straum-støtte. I Midt-Telemark kommune har vi dessverre ikkje økonomi til å gjera det. Vi manglar ca. kr. 40. millionar for å få økomien i balanse og arbeidar hardt for ikkje å kome på Robek-lista. Å vere på Robek vil gje oss mindre moglegheit til å bestemme over oss sjølv og vi må uansett finne tiltak for å kutte i drifta.