– Politiske krefter trugar demokratiet

Årsmøtet i Utdanningsforbundet Midt-Telemark uttrykkjer stor uro for sterke politiske krefter som openlyst trugar demokratiske verdiar, skapar stor utryggleik og set nokre av samfunnets viktigaste institusjonar i stor fare. 

Fagforeiningskollegaer i USA protesterer mot store planlagde kutt i utdanning og helsevesen, som mellom anna vil råke fattige studentar og elevar med funksjonsnedsetjingar, som vil eliminere yrkesfagleg utdanning for 12 millionar studentar, og som vil gjere collegeutdanning umogleg for 10 millionar arbeidarklassefamiliar. 

Trump-administrasjonen har òg planar om å avvikle U.S. Department of Education, og endre kraftig i føderale utdanningsmidlar for å kunne gjennomføre skattekutt for dei aller rikaste.

Utdanningsforbundet Midt-Telemark støttar og står saman med våre fagforeiningskollegaer i USA. 

Vi vil verne om demokratiske verdiar og sårbare gruppers rett til hjelp. Vi støttar våre kollegaer i lærarorganisasjonane AFT og NEA sin kamp for utdanning til alle.