Kven skal få spelemidlar? Du bestemmer!

I Noreg har vi ei unik ordning, der overskot frå pengespel skal gå til gode føremål. I mange andre land går inntektene frå pengespel rett i statskassa. I Noreg er desse pengane øyremerkte idrettsanlegg, kulturtiltak for barn og unge, helseforsking og beredskap langs kysten og i fjellet. Fordelinga er òg demokratisk, fordi det er folkevalde nasjonalt, regionalt og lokalt som bestemmer korleis overskotet frå pengespel skal fordelast.