– Fleire lokalpolitikarar bør ytre seg og fortelje veljarane kor ein står i ei sak

Valkampen er forbi. Det merkar me godt i redaksjonen. Frå ein dag til ein annan blir det tyst, eller i alle fall nesten tyst. Presset om å få plass i meiningsspalta blir heilt tydeleg mindre over natta når valet er vunne for den eine eller andre parten – eller det blir kanskje flytta over til pressemeldingsboksen. Etter valet skal nemleg alle meine noko om resultatet, om meiningsmotstandarar og om kor bra eller grusom ny regjeringsplattform blir.