– Det er politikarane som gjer vedtaka, og det får dei stå for

Av og til kan ein lure på om lokalpolitikarane i Midt-Telemark snakkar saman. Ikkje bare innanfor partigrensene og frå talarstolen, men på tvers. Er det eit breitt og godt samarbeid blant våre folkevalte, der øvste mål er å kome fram til dei beste og mest realistiske løysingane for kommunen, eller er det mest kvart parti, eller kvar politikar for seg sjølv? Har det blitt tenkt og arbeidd godt nok med saker i forkant av møta, og veit ein litt om kva for veg dei andre partia vil ta? Eller kjem det som ei overrasking når ein møtest rundt bordet i formannskap eller kommunestyre, slik at det stokkar seg når ein må ta vanskelege val i fellesskap?